5 мл шәрбат құрамында
белсенді зат –2,5 мг левоцетиризин дигидрохлориді;
қосымша заттар: глицерин, пропиленгликоль, натрий метилпарагидроксибензоаты (Е 219), натрий пропилпарагидроксибензоаты (Е 217), сахароза, мұзды сірке қышқылы, натрий ацетат тригидраты, бұрыш жалбызы дәмдік қоспасы, банан дәмдік қоспасы, тазартылған су.

Бүйрек функциясы қалыпты егде жастағы пациенттерге препараттың дозасын түзетудің қажеті болмайды. Бүйрек функциясының орташа және ауыр жеткіліксіздігі бар егде жастағы пациенттерде дозаны түзету ұсынылмайды (төмендегі кестені қараңыз).

Бүйрек функциясының жеткіліксіздігі бар пациенттерБүйрек функциясы бұзылған пациенттерге дозаны есептеуді кестедегіге сәйкес креатинин клиренсін есепке ала отырып, жүргізу қажет.
Дозалаудың осы кестесін қолдану үшін мл/мин креатинин клиренсіне (КЛкр) баға беру қажет. КЛкр (мл/мин) келесі формулаға сәйкес қан сарысуындағы креатинин (мг/дл) мөлшері бойынша баға берілуі тиіс:
КЛкр = [140 – жасы (жылдары)] x дене салмағы (кг) (x 0,85 әйелдер үшін) / 72 x қан сарысуындағы креатинин (мг/дл)

Коррекция дозы препарата пациентам с нарушенной функцией почек:

Бүйрек функциясы	Креатинин клиренсі, мл/мин	Тәуліктік доза	Қабылдау саны
Бүйрек функциясы қалыпты	≥ 80	5 мг (10 мл)	Тәулігіне 1 рет
Жеңіл дәрежелі бұзылу	50-79	5 мг (10 мл)	Тәулігіне 1 рет
Орташа дәрежелі бұзылу	30-49	5 мг (10 мл)	2 күнде 1 рет
Ауыр дәрежелі бұзылу	< 30	5 мг (10 мл)	2 күнде 1 рет
Бүйрек функциясы жеткіліксіздігінің терминальді сатысы	< 10	Қолдануға болмайды
Диализде жүрген пациенттер

Бүйрек функциясының бұзылулары бар балаларда препарат дозасын пациенттегі бүйрек клиренсін және оның дене салмағын ескере отырып, жекелей түзету қажет.
Бүйрек функциясы бұзылған балаларға қолдану жөнінде спецификалық деректер жоқ.
Бауыр функциясының жеткіліксіздігі бар пациенттер

Тек бауыр функциясының жеткіліксіздігі ғана бар пациенттерде дозалау режимін түзетудің қажеті болмайды. Бауыр және бүйрек функциясының жеткіліксіздігі бар пациенттерде дозалау режимін жоғарыда берілген кестедегіге сәйкес түзету қажет.
Балалар
2 жасқа дейінгі балаларға қолдану, осы жас санатында деректердің шектеулі болуына байланысты, ұсынылмайды.
Препаратты балаларға 2 жастан бастап қолдану керек.

Өзіне тән иісі бар түссіз мөлдір тұтқыр сұйықтық.

Симптомдары: ұйқышылдық (ересектерде), қозу және ұйқышылдықпен алмасатын қозу және мазасыздық (балаларда).
Емі: препаратты ішке қабылдағаннан кейін бірден асқазанды шаю немесе құстыру қажет. Белсендірілген көмір тағайындау, симптоматикалық және демеуші ем жүргізу ұсынылады. Спецификалық антидоты жоқ. Гемодиализ тиімді емес.

Дәрілік препаратты қабылдар алдында кеңес алу үшін дәрігерге барыңыз.

Респираторлық жүйе. Жүйелі әсер ететін антигистаминдік препараттар. Пиперазин туындылары. Левоцетиризин.
АТХ коды R06A Е09

Алғаш ашылуы бақыланатын, бұралатын ақ пластик қақпақпен тығындалаған, полимерлі банкаға немесе янтарь түсті шыны құтыларға препарат 60 мл-ден немесе 100 мл-ден құйылған. Банканың немесе құтының жанына көлемі белгіленген өлшеуіш қасық қоса салынған.
1 банка немесе құты медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Түпнұсқалық қаптамасында, 25 °С-ден аспайтын температурада сақтау керек.
Балалардың қолы жетпейтін жерде сақтау керек!
Құтыны немесе банканы алғаш ашқаннан кейін препаратты 4 аптадан асырмай сақтау керек.

Аллергиялық ринитті (соның ішінде жыл бойғы аллергиялық ринитті) және есекжемді симптоматикалық емдеу үшін.